Albian Hajdari do ta vazhdojë karrierën në Premier League.
Mbrojtësi perspektiv tashmë ka arritur marrëveshje me West Ham Unitedin. Mediat e afërta me West Hamin e kanë vlerësuar marrëveshjen me Hajdarin si shumë të qëlluar dhe njëkohësisht shumë të lirë. Hajdari do të transferohet nga Lugano e Zvicrës. Ai ka klauzolë lirimi prej 4,3 milionë funte, që për klubin anglez është shifër e vogël.
Hajdari ka pasur oferta edhe nga skuadra gjermane.
22-vjeçari është zhvilluar te Baseli e Juventusi, ndërsa te Lugano është prej vitit 2023.
