Live: Llapi ndalet në Klinë, ngec në garën për titull

Llapi mori vetëm një pikë nga ndeshja në udhëtim me Dukagjinin. Të dielën në Klinë, Dukagjini e Llapi luajtën 1:1.

Ndeshja ishte e vlefshme për xhiron e 29-të të Superligës së Kosovës në futboll. Me barazim, Llapi ka ngecur ndaj Ballkanit dhe Dritës në garën për titull.

Shtatë xhiro para fundit, Llapi është i treti me 55 pikë. Ballkani udhëheq në tabelë me 59 pikë, ndërsa Drita është e dyta me 57. Ballkani e Drita shënuan fitore të shtunën.

Mbrojtësi Leotrim Bekteshi kaloi në epërsi llapjanët me golin e realizuar në minutën e tretë shtesë në pjesën e parë.

Një tjetër mbrojtës shënoi golin e dytë dhe të fundit në takim. Ardin Dallku i Dukagjinit realizoi për 1:1 në minutën e 66-të. Në minutat shtesë të ndeshjes Llapi kishte rast të artë. Ahmed Januzi pasoi bukur për Trimror Selimin, që i vetëm përballë portierit gjuajti lartë mbi portë.

Dukagjini është në pozitën e gjashtë me 37 pikë.

Malisheva vazhdon ecurinë e rezultateve pozitive

Malisheva ka vazhduar me ecuri pozitive të rezultateve.

Skuadra e drejtuar nga Qëndrim Kida ka fituar pikët e plota të dielën pas dy fitoreve e dy barazimeve në katër ndeshjet e fundit.

Malishevasit të dielën në stadiumin “Sami Kelmendi” fituan me rezultatin 3:1 në udhëtim te Fushë Kosova, në ndeshjen e xhiros së 29-të. 

Fushë Kosova ndërkohë e pësoi disfatën e tretë rresht dhe tani rrezikon seriozisht rënien nga elita.

Golin e parë në ndeshje për Fushë Kosovën e shënoi Rilind Haziraj në minutën e 12-të të ndeshjes.

Shifrat i barazoi Damir Kojasheviq në minutën e 49-të nga penalltia.

Gëzimi i vendësve nuk zgjati shumë.

Drilon Hazrollaj në minutën e 54-t e ktheu epërsinë e vizitorëve.

Për sulmuesin e krahut ishte goli i 20-të i edicionit dhe tani kryeson listën e golashënuesve, me një më shumë se sulmuesi i Llapit, Muhamet Hyseni.

Rezultatin përfundimtar të këtij ballafaqimi e shënoi mesfushori Ilir Mustafa, në minutën e 66-t.

Në vendin e katërt, Malisheva ka 52 pikë, ndërsa Fushë Kosova mbetet në vendin e parafundit, përkatësisht të nëntin, me 20 pikë.

Malisheva shënon edhe golin e tretë

Malisheva e ka shënuar edhe golin e tretë në duelin kundër Fushë Kosovës në udhëtim.

Golin për 3:1 e realizoi Ilir Mustafa në minutën e  66-të.

Barazim në Klinë, Dukagjini shënon ndaj Llapit

Dukagjini ka shënuar golin e barazimit ndaj Llapit.

Golin për 1:1 e shënoi mbrojtësi Ardin Dallku, në minutën e 66-të.

Ai shënoi me kokë pas harkimit të Blerind Morinës.

Malisheva kthen epërsinë ndaj Fushë Kosovës

Malisheva ka kthyer epërsinë ndaj Fushë Kosovës. Golin e epërsisë 2:1 ndaj Fushë Kosovës e shënoi Drilon Hazrollaj.

Ai shënoi për 2:1 në minutën e 54-t të ndeshjes që po luhet në Lipjan.

Për Hazrollajn është goli i 20-të. Tani kryeson listën e golashënuesve.

19 gola i ka Muhamet Hyseni i Llapit.

Fushë Kosova barazon rezultatin

Fushë Kosova ka barazuar rezultatin ndaj Malishevës.

Golin e barazimit për Fushë Kosovën e shënoi Damir Kojasheviq, në minutën e 49-të.

Vetëm një minutë më vonë, Ilir Mustafa i Malishevës e qëlloi transversalen pas gjuajtjes shumë të bukur nga distanca.

Rezultati Fushë Kosova – Malisheva, aktualisht është 1:1.

Malisheva po fiton ndaj Fushë Kosovës

Malisheva ka shkuar në pushim me epërsinë e një goli në ndeshjen ndaj Fushë Kosovës.

Ndeshja po luhet në stadiumin “Sami Kelmendi” në Lipjan, ndërsa Malisheva po avancon si mysafir, 1:0.

Golin e vetëm e shënoi Rilind Haziraj në minutën e 12-të.

Ndeshja i takon xhiros së 29-të të Superligës.

Llapi në epërsi pas pjesës së parë

Skuadra e Llapit e ka mbyllur me epërsi 1:0 pjesën e parë të ndeshjes kundër Dukagjinit.

Për skuadrën e Llapit shënoi Leutrim Bekteshi. Ai shënoi me kokë në minutën e 47-të. 

Kjo ndeshje po luhet në Klinë, ndërsa i takon javës së 29-të të Superligës së Kosovës në futboll.

Malisheva po avancon ndaj Fushë Kosovës

Malisheva është duke avancuar ndaj Fushë Kosovës në ndeshjen e xhiros së 29-të të Superligës së Kosovës në futboll. 

Në ndeshjen që po zhvillohet në stadiumin “Sami Kelmendi” në Lipjan, Malisheva është duke fituar 1:0. 

Golin e shënoi Rilind Haziraj në minutën e 12-të.