Fenerbahçe do të votojë në Asamble për mbetje apo largim nga Superliga turke

Te Fenerbahçe do të votojnë lidhur me kërcënimin për largim nga Superliga turke e futbollit. Votimi do të bëhet të martën, derisa e ardhmja e klubit të madh nuk është e qartë.

Javë më parë  nga Fenerbahçe deklaruan se do të konsiderojnë largimin nga liga pasi lojtarët e kësaj skuadre u sulmuan nga tifozët e Trabzonsporit pas një ndeshjeje.

Tifozët e Trabzonsporit u futën në fushë dhe u përleshën me forcat e sigurisë dhe lojtarët e Fenerbahçes pas humbjes   3:2 të skuadrës së tyre. Ishte incidenti i radhës prej shumë që ndodhën së fundi në futbollin turk.

Fenerbahçe do të mbaj një asamble të jashtëzakonshme të martën. Gjithë anëtarët e asamblesë do të votojnë për largimin nga liga.

Fenerbahçe fitoi titullin e 19-të në vitin 2014. Aktualisht është në pozitën e dytë në Superligë, pas 30 xhirove. Ka dy pikë më pak se Galatasaray.

Fenerbahçe të mërkurën duhet të takohet me Adana Demirspor.