Selektori i Gjermanisë në futboll, Julian Nagelsmann, ka nisur përgatitjet për duelin kundër Danimarkës në 1/8 e finales së Kampionatit Evropian, pa liderin e mbrojtjes, Antonio Ruediger.
31-vjeçari mungoi në stërvitje të mërkurën në mëngjes, dhe është në dyshim për të luajtur të shtunën në Dortmund kundër Danimarkës.
Ndërkohë, qendërmbrojtësi tjetër, Jonathan Tah, është i suspenduar pasi ka marrë dy kartonë të verdhë.
Ruediger ka probleme muskulore që prej ndeshjes të së dielës që përfundoi 1:1 me Zvicrën, në duelin e fundit të fazës grupore.
Në rast të mungesës së Ruedigerit, Nagelsmanni duhet të mbështetet në kualitetet e Nico Schlotterbeckut apo Waldemar Antonit.
