Belgjika barazoi pa gola me Ukrainën të mërkurën dhe ka avancuar në 1/8 e finales së Kampionatit Evropian 2024, ku do të ballafaqohet me Francën.
Ndërkohë, Ukraina është eliminuar nga turneu.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRumania e mbylli garën në grupin E si fituese, pasi barazoi me Sllovakinë 1:1 në ndeshjen tjetër të xhiros së tretë.
Të gjitha katër përfaqësueset i patën nga katër pikë. Kjo ka ndodhur për herë të parë në histori të kampionateve evropiane.
Rumania e dërgoi Belgjikën në pozitën e dytë pasi pati goldallim më të mirë.
Sllovakia përfundoi në vendin e tretë, falë goldallimit më të mirë se Ukraina që përfundoi e katërta. Sllovakia avancon tutje si njëra prej katër përfaqësueseve më të mira të vendit të tretë.
Ekipi i Belgjikës, i udhëhqur nga Domenico Tedesco, e pati posedimin e topit thuajse në tërë ndeshjen, por ishte Ukraina e drejtuar nga Serhiy Rebrov që pati më shumë raste për shënim.
Në pjesën e dytë raste patën të dy përfaqësueset, por gola nuk kishte.
Franca dhe Belgjika luajnë në 1/8 e finales të hënën, më 1 korrik. Kjo ndeshje luhet në Duesseldorf.
Formacionet zyrtare Ukraina – Belgjika, ylli i Chelseat në bankën rezervë
Tri ndryshime janë bërë te Ukraina që fitoi 2:1 ndaj Sllovakisë të premten.
Lajmi më i madh është se sulmuesi i Chelseat, Mykhailo Mudryk, nuk është në skuadër.
Mbrojtësi i majtë i Evertonit, Vitaliy Mykolenko, është shëruar nga lëndimi i nyjës së këmbës dhe është titullar.
Ndërkohë, Oleksandr Zinchenko i Arsenalit është në bankën rezervë.
Në bankën rezervë është edhe Andriy Yarmolenko, kurse Georgiy Sudakov dhe Roman Yaremchuk janë titullar.
Formacioni i Ukrainës:
Trubin, Svatok, Yaremchuk, Dovbyk, Zabarnyi, Sudakov, Mykolenko, Brazhko, Shaparenko, Matviyenko, Tymchyk.
Ndërkohë, selektori Domenico Tedesco ka bërë vetëm një ndryshim nga formacioni i Belgjikës që e mposhti Rumaninë.
Leandro Trossard kthehet në 11-she dhe e zëvendëson Dodi Lukebakion, i cili është i suspenduar pasi ka marrë dy kartonë të verdhë.
Formacioni i Belgjikës:
Casteels, Theate, Faes, Vertonghen, De Bruyne, Tielemans, Trossard, Lukaku, Castagne, Doku, Onana.
Belgjika luan ndaj Francës
Belgjika do të përballet me Francën në një të tetën e finales në Euro 2024.
Ndeshja Francë – Belgjikë zhvillohet më 1 korrik nga ora 18:00 në Duesseldorf.
Pa gola në pjesën e parë të ndeshjes Ukrainë – Belgjikë
Nuk janë shënuar gola në pjesën e parë të ndeshjes mes Ukrainës dhe Belgjikës. Të dy përfaqësueset kishin raste, por që nuk i konkretizuan.
Me rezultatet aktuale të gjitha katër përfaqësueset e Grupit E i kanë nga katër pikë. Vetëm Ukraina eliminohet.
Tabela e Grupit E pas pjesës së parë. A do të përfundojë ndeshja Sllovaki - Rumani me barazimin e përshtatshëm për dy përfaqësueset. Me rezultatet aktuale vetëm Ukraina eliminohet.
Në grupet tjera kanë mjaftuar 3 pikë për kualifikim. Ukrainë mund të eliminohet me 4 pikë.
