-
Përktheu:
Flutura Gashi-Mehmeti
- 4 maj 2025 17:34
- Shpërndaje në:
Presidenti amerikan, Donald Trump, e ka mohuar se ai po mendon të kandidojë për një mandat të tretë presidencial, një veprim për të cilin ekspertët thonë se është i ndaluar sipas Kushtetutës së SHBA-së.
Trumpi ka thënë më parë se ai "nuk po bënte shaka" për dëshirën për të shërbyer një mandat të tretë, apo edhe të katërt, si president i SHBA-së.
Por më pas ka thënë se deklaratat e tij kishin për qëllim të kontrollonin "mediat e lajmeve të rreme".
Kompania e tij, The Trump Organization, ka shitur kapele "Trump 2028", duke nxitur spekulimet se ai mund të kërkojë të qëndrojë në detyrë pas përfundimit të mandatit të tij të dytë, në janar të vitit 2029.
Amendamenti i 22-të i Kushtetutës thotë se "asnjë person nuk mund të zgjidhet në detyrën e presidentit më shumë se dy herë".
Ndryshimi i kushtetutës do të kërkonte miratimin e dy të tretave nga Senati dhe Dhoma e Përfaqësuesve, si dhe miratimin nga tre të katërtat e qeverive të nivelit shtetëror të vendit.
