-
Përktheu:
Flutura Gashi-Mehmeti
- 19 prill 2024 13:07
- Shpërndaje në:
Presidenti iranian, Ebrahim Raisi, e quajti sulmin e fundit me raketa dhe dron kundër Izraelit "një burim krenarie dhe fuqie" për vendin e tij, gjatë një vizite në qytetin iranian të Damghan të premten.
"Ky operacion u bë një shenjë e fuqisë së Republikës Islamike dhe forcave të saj të armatosura. Ai gjithashtu tregoi vendosmërinë e çeliktë të kombit tonë”, ka deklaruar Raisi, raporton AP.
Një javë më parë, Irani lëshoi qindra dronë, raketa balistike dhe raketa lundrimi në një sulm të paprecedentë që e shtyu Lindjen e Mesme më pranë një lufte në mbarë rajonin.
Një zëdhënës i ushtrisë izraelite ka thënë se lëshimet ishin më shumë se 300, por 99% e tyre u kapën.
Raisi pretendoi se sulmi ishte i nevojshëm dhe bashkoi fraksionet politike të vendit.
Irani gjuajti mbrojtje ajrore në një bazë të madhe ajrore dhe një vend bërthamor herët në mëngjes të së premtes në afërsi të Isfahanit, pasi zbuloi dronët, të cilët dyshohej se ishin pjesë e një sulmi izraelit në hakmarrje për sulmin e paprecedentë me dron dhe raketa të Teheranit në vend.
