-
Përktheu:
Blerta Haxhiu
- 29 nëntor 2024 14:42
- Shpërndaje në:
Një palestinez ka hapur zjarr ndaj një autobusi izraelit pranë vendbanimit hebre Ariel në Bregun e pushtuar Perëndimor duke lënduar të paktën tetë persona përpara se të vritej nga trupat izraelite, bëri të ditur ushtria izraelite.
Sulmi ka ndodhur të premten. Shërbimi mjekësor “MDA” i Izraelit njoftoi se katër persona pësuan plagë nga arma e zjarrit, tre prej tyre në gjendje të rëndë dhe katër të tjerë janë lënduar nga copëzat e xhamave, raporton Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistria palestineze e Shëndetësisë e identifikoi sulmuesin si një vendas 46-vjeçar. Brigadat e krahut të armatosur të Hamasit al-Qassam thanë se ai i përkiste grupit.
Dhuna është rritur në të gjithë Bregun Perëndimor që nga fillimi i luftës Hamas-Izrael në Gazë në tetor të vitit të kaluar.
Dhjetëra izraelitë janë vrarë në sulmet në rrugët palestineze, thonë autoritetet izraelite, ndërsa qindra palestinezë – duke përfshirë luftëtarë të armatosur, të rinj që hedhin gurë dhe kalimtarë civilë – kanë vdekur në përleshjet me forcat izraelite të sigurisë.