Një grup studentësh në Itali janë përleshur me policinë e vendit gjatë protestave kundër bashkëpunimit akademik të universitetit italian “La Sapienza” me universitetet në Izrael.
Teksa po përpiqeshin të hynin në mbledhjen e Senatit, disa studentë dhe policë janë lënduar, dhe dy prej protestuesve janë arrestuar, raporton agjencia e lajmeve “Associated Press”.
Protesta shpërtheu pasi Senati i universitetit “La Sapienza” në Romë vendosi të konfirmojë bashkëpunimet me universitetet izraelite.
Përmes një deklarate, kryeministrja italiane Giorgia Meloni, ka shprehur solidaritetin me forcat e policisë dhe ka dënuar protestën, sipas saj, të dhunshme të studentëve.
