Shkon në 20 numri i të vdekurve pasi një autobus ra në një humnerë në Pakistan

Ka shkuar në 20 numri i të vdekurve si pasojë e rënies së nja autobusi në një humnerë në Pakistanin veriore të premten.

Të paktën 30 të tjerë kanë mbetur të lënduar rëndë, sipas autoriteteve pakistaneze.

Zëdhënësi i kryeministrit Gilgit Baltistan, Faizullah Faraq ka thënë se të plagosurit u dërguan në një spital aty pranë, raporton AP.

Ai ka thënë se autobusi po udhëtonte për në Hunza në autostradën Karakoram në distriktin Diamer të Gilgit-Baltistan kur u rrëzua. Autostrada malore lidh Pakistanin me Kinën.

Të paktën 15 të vdekur pasi një autobus bie në një gropë në Pakistan

Një autobus ka rënë në një humnerë me shkëmbinj në Pakistanin verior të premten, duke lënë të vdekur të paktën 15 persona dhe të lënduar rëndë më shumë se 20 të tjera, ka thënë Policia.

Besohet se shkak i aksidentit është bërë humbja e kontrollit të autobusit nga shoferi i tij, raporton AP.

Autobusi po udhëtonte nga Hunza në autostradën Karakoram, kur ka ndodhur aksidenti, ka bërë të ditur zyrtari policor, Fayaz Ahmed.

Hunza është një destinacion i famshëm për turistët, veçanërisht në muajt e nxehtë.

Aksidentet rrugore janë të shpeshta në Pakistan, ku vozitësit shpesh i injorojnë rregullat e trafikut dhe standardet e sigurisë, sidomos në zonat e vështira.