-
Përktheu:
Flutura Gashi-Mehmeti
- 8 maj 2024 19:29
- Shpërndaje në:
Sekretari amerikan i Mbrojtjes, Lloyd Austin e ka konfirmuar se SHBA-ja ka pauzuar dërgimin e bombave në Izrael javën e kaluar, për shkak të shqetësimeve se shteti ishte më afër se kurrë një vendimi për të nisur një sulm në shkallë të plotë në qytetin jugor të Gazës, Rafah, kundër dëshirës së SHBA-së.
Dërgesa supozohet se përmbante rreth 1 ton bomba, sipas një zyrtari që ka folur në kushte të anonimitetit, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoShqetësimi i SHBA-së ishte se më shumë eksplozivë do të mund të përdoreshin në një qytet si Rafah, ku më shumë se 1 milionë civilë janë të strehuar, pasi ishin evakuuar nga pjesë të tjera ku zhvilloheshin luftime në Gaza.
Austin e ka konfirmuar vonesën e armëve, duke i thënë nënkomisionit të Mbrojtjes së Ndarjeve të Senatit se SHBA-ja ndaloi "një dërgesë municionesh me ngarkesë të lartë".
"Ne do të vazhdojmë të bëjmë atë që është e nevojshme për të siguruar që Izraeli të ketë mjetet për të mbrojtur veten. Por duke thënë kështu, ne aktualisht po shqyrtojmë disa dërgesa të ndihmës afatshkurtër të sigurisë në kontekstin e ngjarjeve që po zhvillohen në Rafah”, ka deklaruar Austin.
SHBA-ja ka ofruar historikisht sasi të mëdha ndihme ushtarake për Izraelin. Kjo është përshpejtuar vetëm pas sulmit të Hamasit të 7 tetorit që vrau rreth 1200 persona në Izrael dhe çoi në kapjen e rreth 250 robërve nga militantët.
Kjo gjithashtu vjen pasi administrata Biden do të japë një verdikt zyrtar të parë të këtij lloji këtë javë nëse sulmet ajrore në Gaza dhe kufizimet në shpërndarjen e ndihmave kanë shkelur ligjet ndërkombëtare dhe të SHBA-së, të krijuara për të kursyer civilët nga tmerret më të këqija të luftës.
LEXO EDHE: