-
Përktheu:
Flutura Gashi-Mehmeti
- 12 dhjetor 2024 11:53
- Shpërndaje në:
Partnerët kryesorë të SHBA-së kundër ISIS-it në Siri kanë thënë të mërkurën se objektet e paraburgimit që ata ruajnë po sulmohen dhe ata janë detyruar të ndalojnë operacionet kundër ekstremistëve.
Situata po ndërlikon përpjekjet e ushtrisë amerikane për të parandaluar rindërtimin e grupit terrorist pas përmbysjes së presidenti sirian, Bashar al-Assad.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZyrtarët amerikanë janë përpjekur të sigurojnë që terroristët të mos mund të rigrupohen në Siri dhe kanë kryer dhjetëra sulme ajrore ndaj objektivave të ISIS-it në ditët e fundit, ndërsa dhjetëra fraksione, përfshirë disa të mbështetur nga Turqia, tani konkurrojnë për kontroll në pjesë të ndryshme të vendi, raporton CNN.
Por partneri më i rëndësishëm i SHBA-së atje, SDF, është sulmuar pamëshirshëm nga militantët e mbështetur nga Turqia ditët e fundit, duke ngritur shqetësime midis zyrtarëve dhe ekspertëve amerikanë për sigurinë e më shumë se 20 objekteve të paraburgimit dhe kampeve që mbajnë anëtarë të dyshuar të ISIS-it dhe familjet e tyre në veri të Sirisë.
SDF përbëhet kryesisht nga luftëtarë kurdë nga një grup i njohur si Njësitë e Mbrojtjes së Popullit (YPG), i cili konsiderohet një organizatë terroriste nga Turqia fqinje.
Komandanti i lartë i SDF-së në Siri, gjenerali Mazloum Abdi, i ka thënë CNN-it të mërkurën se SDF-së i është dashur të fillojë zhvendosjen e të burgosurve të ISIS-it sepse burgjet janë kërcënuar.
LEXO EDHE: