“World Central Kitchen” (WCK) ka publikuar të enjten fotografitë e shtatë punonjësve të ndihmës të organizatës, që u vranë nga një sulm izraelit në Gaza, në fillim të kësaj jave.
Të vrarët ishin tre britanikë, një australian, një polak, një amerikano-kanadez dhe një palestinezë, raporton AP.
Izraeli po përballet me rritje të izolimit pas kritikave pas sulmit ndaj punonjësve të ndihmës të hënën, duke vrarë stafin që po ndihmonin me shpërndarjen e ndihmave për banorët në Gaza.
Sipas WCK-së, disa prej punonjësve të vrarë kanë udhëtuar në të gjithë botën, duke kontribuar në përpjekjet për të ndihmuar në situatat me luftë, të pas tërmeteve dhe pas zjarreve.
Kombet e Bashkuara thonë se shumica e popullatës në Gazën veriore është buzë urisë.
Të mërkurën është rikthyer në Qipro anija e dytë që ishte nisur me mbi 300 tonë ndihma për palestinezët. Rikthimi në vendin prej nga ishte nisur ka ndodhur për shkak të vrasjes së punonjësve të WCK-së e cila kishte organizuar ndihmat.
Lufta Izrael-Hamas ka lënë të vdekur më shumë se 32 mijë palestinezë, sipas ministrisë së Shëndetësisë të Gazës.
