Kryeministri i Izraelit, Benjamin Netanyahu, ka refuzura ta përjashtojë vrasjen e liderit suprem të Iranit, Ayetollah Khamenei, transmeton "BBC".
Në një intervistë për transmetuesin amerikan “ABC News”, Netanyahu, tha se çdo plan i mundshëm për ta vrarë liderin iranian “nuk do ta përshkallëzonte konfliktin, por do ta përfundonte atë”.
I pyetur nëse Izraeli do ta shënjestrojë Khamenein, Netanyanu tha: “Po bëjmë atë që duhet të bëjmë”.
“Ne kemi shënjestruar shkencëtarët e tyre më të mirë bërthamorë. Kemi ende punë për të bërë në vende tjera”, tha Netanyahu.
Netanyahu po ashtu ka thënë se sulmet izraelite e kanë kthyer programin bërthamor të Iranit shumë prapa.
