Kryeministri i Katarit thotë se Izraeli dhe Hamasi kanë dallime të mëdha për fundin e luftës

Kryeministri i Katarit, Mohammed bin Abdulrahman Al Thani, ka deklaruar të martën se negociatat e fundit mbi luftën Izrael-Hamas nuk kanë pasur rezultat sepse siç ka thënë, ekziston një hendek thelbësor midis dy palëve.

“Njëra palë është në kërkim të një marrëveshjeje të pjesshme që mund ose të ketë mundësinë të çojë në një marrëveshje gjithëpërfshirëse dhe pala tjetër po kërkon vetëm një marrëveshje të njëhershme dhe për t'i dhënë fund luftës dhe për të nxjerrë të gjithë pengjet jashtë”, ka thënë kryeministri i Katarit.

Al Thani, i cili gjithashtu shërben si ministër i Jashtëm i Katarit, i bëri komentet gjatë Forumit Ekonomik të Katarit në Doha.

Katari ka qenë një ndërmjetës kryesor në bisedimet Izrael-Hamas, raporton AP.

Gjatë ditëve të fundit, sulmet kanë goditur zona në të gjithë Gazën dhe Izraeli ka lëshuar urdhra evakuimi për qytetin e dytë më të madh të Gazës, Khan Younis, i cili është shkatërruar pothuajse tërësisht nga një ofensivë e mëparshme. 

Izraeli ka nisur një tjetër ofensivë të madhe në territor ditët e fundit, duke thënë se synon të kthejë dhjetëra pengje të mbajtura nga Hamasi dhe të shkatërrojë grupin militant.

Më shumë se 300 njerëz janë vrarë në Gaza që nga fillimi i sulmit të fundit, sipas zyrtarëve lokalë të shëndetësisë.