Ministrja e Jashtme e Koresë së Veriut mbërriti në Rusi të martën për bisedime pasi lufta Rusi-Ukrainë duket se po merrte një kthesë të re të rrezikshme, me NATO-n dhe Korenë e Jugut që shprehën alarmin se trupat e Koresë së Veriut së shpejti mund të bashkohen në anën e Moskës.
NATO-ja ka njoftuar se mijëra trupa të Koresë së Veriut po lëviznin drejt vijës së frontit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy zhvillim ka alarmuar Kievin, i cili ka thënë se sanksionet nuk do të mjaftonin dhe bëri thirrje për më shumë armë dhe një plan ndërkombëtar për të mbajtur larg trupat e Koresë së Veriut, raporton Reuters.
Koreja e Jugut, e cila mbetet teknikisht në luftë me Veriun e armatosur me armë bërthamore dekada pas Luftës Koreane 1950-1953, dënoi gjithashtu dislokimet. Zyrtarët në Seul janë shprehur veçanërisht të shqetësuar për atë që Rusia mund t’i japë Fenianit në këmbim.
Ministrja e Jashtme e Koresë së Veriut, Choe Son Hui mbërriti në lindjen e largët të Rusisë të martën në rrugën e saj për në Moskë, thanë media shtetërore ruse. Agjencitë shtetërore ruse të lajmeve thanë se nuk ishte e qartë se kë do të takonte Choe, duke bërë vizitën e saj të dytë në gjashtë javë, në Moskë.
Kremlini tha se Putin nuk kishte plane për ta takuar atë.
Presidenti i Ukrainës, Volodymyr Zelenskiy, foli të martën me presidentin e Koresë së Jugut, Yoon Suk Yeol dhe tha se lëvizjet e Koresë së Veriut po e çojnë luftën në një fazë të paprecedentë.
“Përfundimi është i qartë - kjo luftë po ndërkombëtarizohet, duke u shtrirë përtej dy vendeve”, tha Zelenskiy në X.
Yoon i tha Zelenskiyt se nëse Koreja e Veriut merr ndihmë nga Rusia dhe është në gjendje të marrë përvojë dhe njohuri ushtarake nga përfshirja e saj në luftë, kjo do të përbënte një “kërcënim të madh” për sigurinë e Koresë së Jugut, sipas një deklarate nga zyra presidenciale e Koresë së Jugut.
Koreja e Jugut ka thënë se mund të fillojë furnizimin me armë për Ukrainën nëse trupat e Koresë së Veriut i bashkohen luftës së Rusisë. Pentagoni tha gjithashtu të hënën se nuk do të vendosë kufizime të reja në përdorimin e armëve amerikane nga Ukraina nëse Koreja e Veriut hyn në luftë.
Presidenti rus Vladimir Putin nuk e ka mohuar praninë e trupave të Koresë së Veriut në vend.
Se çfarë roli mund të luajnë trupat e Koresë së Veriut është e paqartë. Analistët thonë se numri i tyre i vogël dhe aftësitë ndoshta të kufizuara nuk ka gjasa të jenë vendimtare, por ata mund të mbështesin forcat ruse duke ofruar punë manuale ose duke drejtuar pozicione mbrojtëse.