Kabineti i luftës i Izraelit vendos për ta vazhduar ofensivën në Rafah

Izraeli do ta vazhdojë operacionin e tij në Rafah, ka bërë të ditur të martën zëdhënësi i qeverisë izraelite, David Mencer, duke shtuar se sulmi është “pjesë e misionit tonë për të larguar katër brigadat e fundit të Hamasit” në qytetin e Gazës.

“Nuk po themi se ky do të jetë shkatërrimi komplet i Hamasit. Hamasi do të ekzistojë ende, por ata nuk do të jenë të organizuar në batalione siç janë tani”, ka shpjeguar Mencer, raporton AP.

Forcat izraelite e kanë marrë nën kontroll pjesën kufitare të Rafahut me Egjiptin në Rripin e Gazës, duke vazhduar me ofensivën në qytetin jugor, derisa negociatat për armëpushim me Hamasin mbeten të pasigurta.

Sulmi vjen pak pasi grupin militant ka deklaruar të hënën se e ka pranuar një propozim për armëpushim, të ndërmjetësuar nga Egjipti dhe Katari. 

Mirëpo, Izraeli ka thënë se marrëveshja nuk përputhet me kërkesat e tij.

LEXO EDHE: