Izraeli thotë se ka sulmuar fushën e gazit në Parsin Jugor të Iranit

Ministri i Mbrojtjes i Izraelit ka njoftuar të hënën se Izraeli ka sulmuar fabrikën petrokimike të Parsit Jugor në Asaluyeh.

Katz e ka bërë njoftimin në një deklaratë pasi Irani tha se objekti ishte sulmuar.

Katz ka konfirmuar atë që e ka quajtur "një sulm i fuqishëm në objektin më të madh petrokimik në Iran", i cili është përgjegjës për gjysmën e prodhimit petrokimik të vendit. 

Zëdhënësi ushtarak i Izraelit, nënkolonel Nadav Shoshani, ka thënë se nuk do të kishte "asnjë imunitet" për Iranin ndërsa bisedimet përparonin.

Fusha e gazit e ndarë me Katarin është më e madhja në botë dhe ndodhet nën ujërat e Gjirit Persik.

Një sulm izraelit në mars ndaj objekteve të Parsit Jugor shkaktoi sulme të mëdha iraniane që synonin infrastrukturën e naftës dhe gazit në të gjithë shtetet arabe të Gjirit.

Pas sulmit në mars, presidenti amerikan Donald Trump ka thënë se Izraeli nuk do ta sulmonte përsëri, por paralajmëroi se nëse Irani vazhdonte të godiste infrastrukturën energjetike të Katarit, Shtetet e Bashkuara do të hakmerreshin dhe do të "hedhnin në erë masivisht të gjithë" fushën.