Themeluesi i Kuzhinës Qendrore Botërore (WCK), Jose Andres, ka akuzuar forcat izraelite në Gaza për shënjestrimin e punonjësve të ndihmës, në një sulm që vrau shtatë anëtarë të stafit të tij të hënën.
Duke folur për agjencinë e lajmeve Reuters, Andres ka thënë se vrasja e shtatë punonjësve të WCK-së nuk ishte një gabim, derisa pretendoi se izraelitët i dinin lëvizjet e tyre në kohën e sulmit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Edhe nëse nuk do të ishim në koordinim me ushtrinë izraelite, asnjë vend demokratik dhe asnjë ushtri nuk mund të synojë civilët dhe humanitarët", ka thënë ai.
Sipas Andres Forcat e Armatosura të Izraelit (IDF) ishin në dijeni të vendndodhjes së kolonës. Ai bëri thirrje për hetime të incidentit nga qeveria e SHBA-së dhe nga vendi i çdo punonjësi të ndihmës që u vra.
"Ata po na synonin në një zonë dekonflikti, në një zonë të kontrolluar nga IDF-ja. Ata e dinin se ishin ekipet tona që lëviznin në atë rrugë ... me tre vetura”, ka shtuar ai.
Punonjësit e ndihmës u vranë kur kolona e tyre u godit menjëherë pasi ata mbikëqyrën shkarkimin e 100 tonëve ushqime të sjellë në Gaza nga deti. Ushtria izraelite shprehu "dhimbje të madhe" për incidentin dhe kryeministri Benjamin Netanyahu e quajti atë të paqëllimshme.
Andres ka thënë se mund të ketë pasur më shumë se tri sulme kundër kolonës së ndihmës. Ai hodhi poshtë pohimet e Izraelit dhe të SHBA-së se sulmi nuk ishte i qëllimshëm.
LEXO EDHE: