-
Përktheu:
Ideal Zhubi
- 11 prill 2025 10:12
- Shpërndaje në:
Përfaqësuesit e më shumë se 50 vendeve janë mbledhur të premten (sot) në Bruksel për të diskutuar rreth mbështetjes dhe masave të mëtutjeshme për t’i dalë në ndihmë Ukrainës. Për dallim nga raportimet e kaluara, sekretari amerikan i Mbrojtjes, Pete Hegseth, gjithashtu do të marrë pjesë nëpërmjet videolidhjes.
Në deklaratën e tij hyrëse, teksa mbërriti në selinë e NATO-s në Bruksel, ministri gjerman i Mbrojtjes Boris Pistorius, ka deklaruar se Gjermania do t’i dërgojë ndihma të reja ushtarake Ukrainës, transmeton The Guardian.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjermania do të ofrojë edhe katër sisteme mbrojtjeje ajrore IRIS-T së bashku me raketat përkatëse, si dhe 30 raketa shtesë për sistemet Patriot. Ai ka thënë se liderët do të “diskutojnë” po ashtu mbi kërkesën e Ukrainës për të prodhuar raketa.
Ai u pyet nga gazetarët për planet e zhvillimit të një force paqeruajtëse që mund të përfshijë trupa evropiane në Ukrainë, por ka shtuar se nuk dëshiron të deklarohet publikisht rreth kësaj çështjeje.
“Ne do të gjejmë një mënyrë për të shkuar atje ku duhet, por deri atëherë, do të ishte më mirë ta diskutojmë këtë brenda nesh sesa publikisht”, ka thënë Pistorius.