-
Nga:
Associated Press
- 5 korrik 2023 14:48
- Shpërndaje në:
Presidenti amerikan, Joe Biden, do ta presë në takim në Shtëpinë e Bardhë, kryeministrin e Suedisë, të mërkurën, në shenjë përkrahjeje për anëtarësimin e vendit nordik në NATO, një javë përpara samitit të aleancës.
Presidenti Biden dhe kryeministri suedez, Ulf Kristersson do të “rishikojnë bashkëpunimin mbi sigurinë dhe riafirmojnë pikëpamjet e tyre mbi anëtarësimin sa më të shpejtë të Suedisë në NATO”, u tha në deklaratën e Shtëpisë së Bardhë mbi takimin. Liderët do të diskutojnë po ashtu për luftën në Ukrainë dhe çështje që përfshijnë Kinën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSuedia dhe fqinji i saj, Finlanda i dhanë fund politikës afatgjatë për mospërfshirje ushtarake pasi Rusia pushtoi Ukrainën në shkurt të vitit 2022. Të dyja shtetet aplikuan për anëtarësim në NATO, në kërkim të mbrojtjes nën sigurinë e organizatës.
Finlanda, e cila ndan më shumë se 1.300 kilometra vijë kufitare me Rusinë, hyri në NATO në muajin prill. Por, Suedia, e cila ka shmangur aleancat ushtarake për më shumë se 200 vjet, nuk është pranuar ende në NATO për shkak të mungesës së votës nga Turqia dhe Hungaria. NATO-ja kërkon miratimin unanim të të gjithë anëtarëve për t’u zgjeruar.
Presidenti turk, Recep Tayyip Erdogan ka rezistuar, bashkë me qeverinë e tij duke akuzuar Suedinë se është shumë e mëshirshme ndaj grupeve që Turqia thotë se përbëjnë kërcënim për sigurinë, duke përfshirë organizatat militante kurde dhe njerëzit e lidhur me përpjekjen për grusht shtet të vitit 2016 në Turqi.
Javën e kaluar, presidenti turk dënoi veprimin e shtetit nordik, të djegies së Kuranit. Policia suedeze lejoi protestën që përfshiu vënien në flakë të Kuranit, më 30 qershor, jashtë një xhamie në qendër të Stokholmit.
Sekretari i Përgjithshëm i NATO-s, Jens Stoltenberg tha se të enjten do të zhvillojë një takim me zyrtarë të lartë nga Turqia, Suedia dhe Finlanda për të kapërcyer kundërshtimet e Turqisë.
Hungaria gjithashtu nuk e ka ratifikuar ende kërkesën e Suedisë. Ligjvënësit hungarezë kanë bërë me dije se kjo nuk do të ndodhë deri në seancën legjislative të vjeshtës.