Basketbollisti amerikan, Seth Pinkney, është përforcimi më i ri i skuadrës së Vëllaznimit të Gjakovës. Ai është i gjatë 216 centimetra.
Pinkney së fundi ishte pjesë e skuadrës Frayles de Guasave në Meksikë. Ka luajtur edhe për Apollon Limassol në Qipro.
“Ky lojtar i ndërtuar për betejë nën kosh, dallohet për energjinë e hatashme në mbrojtje, kërcimet dhe aftësinë për të ndikuar në lojë, qoftë edhe pa top në dorë. Pinkney, pritet të jetë një shtyllë e rëndësishme e ekipit të kuqezinjve në sezonin e ri. Andaj le t’i urojmë mirëseardhje”, ka shkruar klubi gjakovar të premten në rrjetet sociale.
Vëllaznimi ka transferuar edhe Samir Zekiqin dhe Jacob Youngun. Ka vazhduar bashkëpunimin edhe me kapitenin Atik Koshi.