Ka përfunduar me incident derbi i xhiros së 12-të të Superligës së Kosovës në basketboll mes Bashkimit dhe Golden Eagle Yllit. Me të përfunduar ndeshja në parket kanë vrapuar disa tifozë vendas, ndërsa lojtarët e Yllit janë larguar shpejt në drejtim të zhveshtores. Kanë ndërhyrë edhe forcat e sigurisë.
Ylli e ka fituar me rezultat 72:69 ndeshjen me fund dramatik, të zhvilluar të dielën në palestrën “Sezai Surroi” në Prizren.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBashkimi i kishte 13 sekonda për aksionin e fund. Por Lejson Zeqiri e humbi topin dhe kështu festa, ndonëse e shkurtër, ishte për suharekasit.
Bashkimi e fitoi çerekun e parë me rezultat 20:16. Çereku i dytë përfundoi 16:15 për Yllin. Kështu rezultati pas pjesës së parë ishte 35:32 për vendasit. Tri pikë dallimi ishte edhe pas çerekut të tretë, 55:52.
Bashkimi u shkëput 62:52 në fillim të çerekut të katërt, por suharekasit realizuan seri 10:0 për 62:62. Dy minuta para fundit, Bashkimi ishte në epërsi 69:65. Ylli barazoi në 69:69, e më pas kaloi në epërsi 70:69 e 72:69. Dhe shifrat më nuk ndryshuan.
Fundori Quade Green i shënoi 30 pikë për Yllin, duke përfshirë edhe pikët vendimtare në ndeshje. Jalen Nesbitt i kishte 15 pikë, gjashtë topa të rrëmbyer e katër kërcime. Hasahn French i kishte shtatë pikë, dhjetë kërcime e katër topa të rrëmbyer.
Lejson Zeqiri ishte më i miri te Bashkimi me 15 pikë e tetë kërcime.
Jayveous Mckinnis i kishte nëntë pikë e dhjetë kërcime, ndërsa Altin Morina shtoi 11 pikë, gjashtë kërcime e katër asistime.
Bashkimi mbetet i treti, por tani me 20 pikë, dy më pak se Trepça. Golden Eagle Ylli doli në vendin e tretë me 19 pikë.