Peja e Ferizaj do tpërballen sërish kundër njëra-tjetrës në volejboll. Tani në kuadër të xhiros së tretë të ligës “Gjergj Kastrioti”. Ndeshja luhet të enjten nga ora 19:00 në palestrën “Karagaçi” në Pejë. Është përballja e parë e tyre pas incidentit që ndodhi më 1 dhjetor në palestrën “Bill Clinton” në Ferizaj. Pas përfundimit të ndeshjes finale të Kupës së Federatës, të cilën e fitoi Ferizaj 3:2 në sete, lojtarët e Pejës dolën në tribunën anësore dhe kanë nisur një rrahje të ashpër me pak tifozë ferizajas që ishin aty. Ishin shkëmbyer shumë e shumë grushte.
Dy lojtarët e kampiones dhe fitueses së Kupës në volejboll, Pejës - Leutrim Mujaj dhe Arlind Kabashi u ndaluan për 48 orë, si të dyshuar për rrahjen e disa tifozëve të Ferizajt. U liruan të martën në procedurë të rregullt. Por, Mujaj dhe Kabashi nuk ishin të vetmit që rrahën tifozët ferizajas.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFederata e Volejbollit e Kosovës, përkatësisht Komesari i Garave suspendoi Mujajn e Kabashin si dhe katër volejbollistët tjerë të klubit Peja, Agron Nikçin, Kaltrim Berishën, Dardan Husajn dhe Gazmend Husaj. Shpejtë pritet të merret vendim edhe nga Komisioni Disiplinor i FVK-së.
Peja do të jetë pa gjashtë lojtarët e suspenduar dhe do ta ketë të vështirë ndeshjen kundër Ferizajt.