Nënkryetari i Lidhjes Demokratike të Kosovës, Anton Quni, ka renditur arsyet pse partia e tij nuk mund ta bëjë qeverinë me Lëvizjen Vetëvendosje.
Ai ka thënë se sfidat me LVV-në kanë nisur prej qeverisjes së kaluar nga dy partitë, e që sipas tij kulmoi me gjuhën e kryetarit të saj, Albin Kurti, ndaj partive të tjera pas shpalljes së rezultateve të zgjedhjeve të 9 shkurtit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Janë sfida që janë shtresuar, thuaj që nga koha kur ne kemi qeverisur së bashku. Kemi udhëhequr për periudhë të shkurtë deri kur kjo qeverisje ndërpritet me kërkesën e Kurtit, vendim i njëanshëm përkundër marrëveshjeve paraprake. Kjo është gjeneza (pse LDK nuk hyn në qeveri me VV-në). Përkundër marrëveshjeve, ka ndodhur shkarkimet e njëanshme, ka pasur përpjekje të mëdha nga LDK që të kapërcehen ato momente. Ne e kemi një përvojë jo të mirë dhe është e natyrshme që kur bëhet një kërkesë e radhës, ne i kemi parasysh përvojat e të kaluarës. Tjetër është sjellja e kryeministrit karshi partive tjera për çështje të ndryshme. Kur ne kemi ofruar zgjidhje, thjesht nuk jemi përfillë”, ka thënë ai në “60 Minuta” në KTV.
“Është dita e shpalljes së rezultateve ku ne si parti politike krahasohemi nga pala e kryeministrit me kafshë”, ka shtuar tutje.
Quni ka përsëritur se propozimi i LDK-së për “qeveri të unitetit” është propozimi më i mirë i mundshëm në situatën aktuale kur deputetët tashmë për mbi 30 herë kanë dështuar në konstituimin e Kuvendit.