Nis seanca për rastin “Syri i Popullit”

Ka nisur seanca gjyqësore në rastin e njohur si “Syri i Popullit”.

Kryetarja e trupit gjykues Naime Krasniqi ka vendosur që në këtë seancë t’ua ndalojë mediave xhirimet, raporton KTV.

Të akuzuarit sot priten ta japin mbrojtjen e tyre dhe i pari ka nisur fjalën Avni Llumnica.

“S’ka asnjë arsye që të jem i përfshirë në këtë rast. Jam i pafajshëm, pra jam viktimë jo i akuzuar”, tha Llumnica.

Llumnica ka folur për takimin që kishte pasur me Murat Jasharin dhe Sadri Ramabajën derisa ka mohuar se gjatë këtyre takimeve të jetë përmendur emri i Azem Vllasit.

Të akuzuar në këtë rast janë Sadri Ramabaja, Murat Jashari, Ragip Sallova, Avni Llumnica, Sabit Berisha, Bexhet Luzha, Halim Halimi, Bajrush Konjusha, Lirije Luzha dhe Rexhep Topllana.