-
Nga:
Donika Voca Gashi
- 20 shtator 2020 22:17
- Shpërndaje në:
Qendra Kombëtare e Transfuzionit të Gjakut është duke u përballur me mungesa të mëdha të grupeve negative të gjakut.
Sipas drejtoreshës Bukurije Zhubi, derisa kjo qendër aktualisht po arrin t’i përmbushë kërkesat për doza të gjakut nga klinikat e QKUK-së, kërkesat më vështirësi po arrijnë t’i mbulojnë për grupet zero negativ, por edhe për grupet A dhe B Negativ, raporton KOHA.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSigurimi i këtyre grupeve, sipas Zhubit, është më i vështirë edhe për shkak të faktit se vetëm rreth 13% e popullatës u përket këtyre grupeve.
Transfuzioni i gjakut, gjithashtu, nuk ka mjaftueshëm doza të trombociteve, kjo pasi që sipas Zhubit, përfitimi i tyre bëhet vetëm brenda ditës kur dhurohet gjaku.
Sipas Zhubit, përveç kërkesave nga klinikat e ndryshme, Transfuzioni i Gjakut gjatë kësaj kohe vazhdimisht ka furnizuar me doza të gjakut edhe klinikat që po trajtojnë pacientët me COVID-19.
E për të siguruar sasi të dozave më të mëdha të gjakut, Qendra e Transfuzionit gjatë këtyre ditëve ka nisur aksione në terren të dhurimit të gjakut.