Kryeministri së detyrë Albin Kurti është regjistruar si deputet i Kuvendit të Kosovës të enjten, procedurë për ata që kanë fituar mandatin gjatë zgjedhjeve të 9 shkurtit.
Por Kurti sërish nuk pati përgjigje për gazetarët kur u pyet për formimin e qeverisë së re.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kam takim në orën 11”, thotë Kurti teksa gazetarët e ndjekin për t’i marrë përgjigje.
VIDEO:
Përgjigje nëse i kanë numrat për qeverinë e re, kryeministri në detyrë nuk dha dje teksa po prononcohej për Betejën e Koshares.
Kurti kishte ftuar për takim konsultues kryetarin e Lidhjes Demokratike të Kosovës, Lumir Abdixhiku. Por Abdixhiku kishte refuzuar ftesën. Në përgjigje, Abdixhiku ka thënë se gjuha e LVV-së karshi LDK-së ka pamundësuar bashkëpunimin e mundshëm në mes të këtyre dy taborëve politikë, për formimin e Qeverisë së re.
Në zgjedhjet e 9 shkurtit, LVV-ja mori 48 deputetë – jo mjaftueshëm për të qeverisur e vetme. Disa deputetë nga komunitetet joshumicë gjithashtu e kanë vënë në pikëpyetje nëse do ta votojnë një qeveri të udhëhequr nga Kurti.
Duhet 61 vota për ta zgjedhur kryeministrin.