-
Nga:
Besnik Krasniqi
- 22 shkurt 2020 08:15
- Shpërndaje në:
Ambasadorja Vlora Çitaku, kishte rekomanduar të mos publikohej lajmi pa e siguruar paraprakisht notën verbale, kur të enjten ua kishte dhënë kumtin krerëve institucionalë për “njohjen” e Kosovës nga Xhamajka. S’e kishin dëgjuar, e për pasojë, njohja është bllokuar.
“Koha Ditore” ka siguruar komunikimin që ambasadorja e Kosovës në Washnington kishte pasur me homologen e saj, por edhe me zyrat relevante në Kosovë, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Përmes telefonit u njoftova që Xhamajka ka njohur pavarësinë e Kosovës. Gjatë dy telefonatave, Ambasadorja Audery Marks më konfirmoi që vendimi tashmë është marrë dhe së shpejti do të dërgojë notën verbale”, thuhet në informatën e dërguar nga Çitaku, jo veç te presidenti Hashim Thaçi, por edhe në Zyrën e kryeministrit Albin Kurti, në Ministrinë e Punëve të Jashtme dhe te vetë kabineti i kryediplomatit Glauk Konjufca. “Për publikim, është mirë të presim edhe notën verbale”.
Nota verbale nuk ishte pritur.
Fillimisht në Twitter presidenti Thaçi e ka publikuar lajmin, e më pas edhe kryediplomati Konjufca në Facebook. Më pastaj, falënderime kishin shprehur edhe kryeministri Albin Kurti, kryeparlamentarja Vjosa Osmani e shumë përfaqësues politikë.
(Artikullin e plotë mund ta lexoni sot në “Koha Ditore”)