17-vjeçari nga Kosova, që e theri me thikë mësuesen në Essen të Gjermanisë të premten, është jashtë rrezikut për jetën, raporton “Waz.de”.
Ai ishte plagosur rëndë gjatë arrestimit nga zyrtarët policorë.
Të hënën, policia e Bochumit, e cila ka marrë përsipër hetimin, raportoi se jeta e autorit të dyshuar nuk është më rrezik, por ai mbetet i shtruar në spital.
Zyra e Prokurorit të Essenit dhe Policia e Essenit nuk kanë komentuar ende mbi motivet e autorit të dyshuar.
Mësuesja është shtruar në Spitalin Universitar të Essenit të premten dhe iu nënshtrua një ndërhyrjeje urgjente kirurgjikale. Edhe ajo është jashtë rrezikut për jetën.