Liverpooli pati pjesë të parë të suksesshme ndaj Brightonit.
Dhe në fund e realizoi fitoren e katërt rresht, ndërsa e ndali ecurinë pozitive të Brightonit prej tetë ndeshjeve pa humbje.
“Të kuqtë” të dielën në “Anfield” fituan me rezultatin 2:0. Ndeshja e së dielës i takoi xhiros së tetë të Premier Leagues.
Pascal Gross shënoi autogol në minutën e 17-të për epërsinë 1:0 të Liverpoolit, ndërsa vetëm katër minuta më vonë shënoi edhe sulmuesi Alexander Isak.
Liverpooli ngjitet në vendin e katërt me 15 pikë, gjashtë më pak se dy pozitat e para ku janë Manchester City dhe Arsenali.
Brightoni mbetet në pozitën e tretë me 16 pikë.