-
Übersetzt von: Vita Abrashi-Kajtazi
- 5. November 2026 09:30
- Teilen mit:
Këngëtari i njohur, Justin Timberlake, pritet të publikojë në muajin dhjetor një dokumentar me katër episode në platformën “Apple TV”, ku do të zbulojë detaje nga jeta dhe karriera e tij, përfshirë edhe ngjarje të bujshme që kanë tërhequr vëmendjen e publikut.
Laut der Zeitschrift Vielfalt, dokumentari do të përfshijë edhe këngëtaren Janet Jackson, e cila do të flasë për incidentin e famshëm gjatë performancës së tyre në “SuperBowl” të vitit 2004, kur gjatë shfaqjes u ekspozua gjoksi i saj.
Në dokumentar, Timberlake pritet të komentojë edhe deklaratat e fundit të ish-të dashurës së tij, këngëtares së mirënjohur, Britney Spears, e cila ka folur publikisht për marrëdhënien e tyre në të kaluarën.
Projekti do të përbëhet nga katër pjesë dhe do të drejtohet nga Fisher Stevens. Deri më tani nuk janë bërë të ditura hollësi të tjera, ndërsa përfaqësuesit e këngëtarit, Jacksonit dhe Apple TV-së nuk kanë dhënë komente.
Dokumentari vjen pas një periudhe relativisht të qetë për Timberlake, i cili përfundoi turneun e tij botëror në muajin korrik të vitit 2025. Gjatë turneut, këngëtari u përball edhe me probleme shëndetësore, pasi zbuloi se ishte diagnostikuar me sëmundjen Lyme.
Në atë kohë, ai u shpreh se kishte vendosur të fliste publikisht për diagnozën, jo për të ngjallur keqardhje, por për të treguar vështirësitë me të cilat ishte përballur në heshtje.
“Kam luftuar me disa probleme shëndetësore dhe jam diagnostikuar me sëmundjen Lyme. Nuk po e them këtë që të ndieni keqardhje për mua, por për të treguar se çfarë kam kaluar larg syve të publikut. Nëse e keni përjetuar këtë sëmundje ose njihni dikë që e ka, e dini se sa rraskapitëse mund të jetë, si mendërisht, ashtu edhe fizikisht”, kishte shkruar ai.
Përveç problemeve shëndetësore, turneu u shoqërua edhe me polemika pas arrestimit të tij në muajin qershor të vitit 2024, në Sag Harbor të New Yorkut, për drejtim të automjetit në gjendje të dehur. Më vonë, ai u shpall fajtor për kundërvajtjen përkatëse.
Ngjarja mori vëmendje të madhe edhe për shkak të një videoje nga kamerat e policisë. Fillimisht u raportua se Timberlake u kishte thënë zyrtarëve: “Kjo do të ma shkatërrojë turneun”. Megjithatë, pamjet e publikuara më vonë treguan se ai nuk i kishte shqiptuar pikërisht këto fjalë, por diçka të ngjashme me: “Jam në turne”.