Në një konferencë të përbashkët të Prokurorisë Speciale dhe Policisë së Kosovës janë dhënë më shumë detaje rreth aksionit të këtyre institucioneve dhe Agjencisë së Intelegjencës së Kosovës, që si rezultat solli konfiskimin dhe sektuestrimin e 37 kilogramëve drogë të llojit heroinë, në vlerë prej 550 mijë euro.
Drejtori i departamentit për Hetimin e Narkotikëve në Policinë e Kosovës, Reshat Murseli ka thënë se pesë të arrestuarit e dyshuar për këtë rast, dyshohet se atë e transportonin të kamufluar nga Irani për në Kosovë.
“Në total gjatë këtij operacioni policor janë bastisur pesë lokacione dhe objekte përcjellëse. Janë arrestuar pesë të dyshuar, dy nga ta shtetas turq, një shtetas i Maqedonisë së Veriut dhe dy shtetas kosovarë. Dyshohet se grupi kriminal sasinë e narkotikut e ka transportuar të kamufluar në mallra komerciale nga vendet aziatike të Lindjes së Mesme gjegjësisht Iranit për në Republikën e Kosovës. Në bazë të hetimit të deritanishëm dytshohet se e ka pasur për qëllim tregun jashtë vendit. Vlera e shitjes jashtë Kosovës do ta kalonte shifrën prej 550 mijë eurosh”, ka deklaruar Murseli.
Die Nachrichten werden aktualisiert...
