Besfort Zeneli ia ka siguruar fitoren Royale Unionit belg të enjten mbrëma në Ligën e Evropës. Në xhiron e katërt të fazës së ligës, Zeneli realizoi dy herë për fitoren 2:1 në udhëtim te Celta Vigo, me rikthim të rezultatit.
Zeneli barazoi rezultatin fillimisht në minutën e 35-të, ndërsa shënoi për pikët e plota në minutën e 49-të.
Futbollisti i Kosovës, Milot Avdyli, kontribuoi me asistim te Celje sllovene në fitoren 3:2 te Sturm Grazi, në Ligën e Evropës.
Avdyli asistoi në fundin e pjesës së parë në golin për 2:1.
Te Celje luajti edhe Veton Tusha, ndërsa Valmir Matoshi u paraqit te Sturm Grazi austriak.
Granit Xhaka pësoi humbje tjetër me Sunderlandin. Në shtëpi u mposht nga Dinamo Zagrebi i Arbër Hoxhës. Ndeshjen e Ligës së Evropës, Dinamo e fitoi 2:0.
Xhaka luajti në tërë ndeshjen te skuadra angleze. Hoxha luajti në 10 minutat e fundit tek ekipi kroat.
Në xhiron e tretë të Ligës së Konferencës, Ezgjan Alioski shënoi gol për Luganon që fitoi 3:0 ndaj Kauno Zhalgirisit.