Golden Eagle Ylli e ka dhënë sërish basketbollistin më të mirë të xhiros në Superligën e Kosovës.
Davontrey Thomas është shpallur “MVP” i javës së tetë.
Në xhiron e kaluar ishte Conor Withers nga Ylli që u shpall më i miri.
Thomas shkëlqeu të dielën në fitoren e Yllit ndaj Bashkimit të Prizrenit me rezultatin 105:86.
Amerikani Thomas kontribuoi me 25 pikë, dhjetë kërcime dhe pesë asistime.
Ai zuri vend në pesëshen e javës bashkë me Withersin e Yllit, Kenneth Hasbrouckun e Trepçës, Amin Hotin e Borës dhe Bryson Dawkinsin e Prishtinës.