Aktivistet nga Kolektivi për Mendim dhe Veprim Feminist kanë vazhduar edhe sot protestën e tyre duke kërkuar takim me kryeprokurorin e shtetit, Zejnulla Gashi, lidhur me rastin e vrasjes së Arlinda Zekajt.
Fillimisht, protestuesve u ishte komunikuar nga policët dhe zyra e Kryeprokurorit se në takim do të mund të hynin vetëm pesë përfaqësues të tyre.
Megjithatë, pas kërkesës së aktivisteve, kryeprokurori pranoi të priste shumicën e protestuesve në zyrën e tij.
Më pas, aktivistet hyn në takim me kryeprokurorin, ku pritet të përcjellin kërkesat e tyre për drejtësi, përgjegjësi dhe trajtim institucional të rastit.
Protesta që nisën pas vrasjes së Arlind Zekajt në Vitomiricë të Pejës më 25 tetor kërkojnë shkarkimin e dy ministrave Donika Gërvalla e Xhelal Sveçla, dorëheqjen e kryetarit të Pejës dhe burgim për gjykatësit dhe prokurorët që u morën me rastin. /EO