Unterstützen Sie TIME. Bewahren Sie die Wahrheit.
Arberi

Çitaku zu den Urteilen gegen Thaçi und andere: Beschämende und inakzeptable Entscheidung

Vlora Citaku

Foto: Driton Pacharada

Ushtruesja e detyrës së kryetares së PDK-së, Vlora Çitaku e ka quajtur të turpshëm e të papranueshëm vendimin e Dhomave të Specializuara për dënimet ndaj Hashim Thaçit dhe të tjerëve për pengim të drejtësisë.

Ajo në një postim në Facebook ka shkruar se nuk ka asgjë më shqetësuese për drejtësinë sesa kur vendimet e saj pushojnë së befasuari, sepse besimi në paanshmërinë e saj është cenuar thellë.

“Shpreh zhgënjimin dhe shqetësimin tim të thellë për vendimin e sotëm të Gjykatës Speciale në Hagë ndaj Presidentit Hashim Thaçi dhe të tjerëve, në procesin për pengim të drejtësisë. Kontestimet procedurale, proceset e njëpasnjëshme dhe zvarritjet shumëvjeçare i kanë thelluar pikëpyetjet tona serioze për administrimin e drejtësisë të kësaj Gjykate”, ka thënë ajo.

Sipas saj, drejtësia nuk mund të ketë dy standarde: një për ata që gjykohen dhe një tjetër për ata që gjykojnë.

“Padrejtësisë do t’i përgjigjemi ashtu siç e meriton: me qëndresë, mobilizim dhe përkushtim të palëkundur shtetëror e mbarëkombëtar. Me veprime konkrete politike, juridike e diplomatike. Me vendosmëri, deri në fund! Lufta jonë për liri ishte e drejtë. UÇK ishte ushtria jonë çlirimtare. Sakrifica e një populli për çlirim është pjesë e pandryshueshme e historisë sonë dhe nuk mund të njolloset - asnjëherë. Me çlirimtarët, deri në liri”, ka shkruar ajo.

Lesen Sie andere Updates
Hashim Thaçi

Reaktionen nach der Verkündung des Urteils gegen Thaçi und andere wegen Behinderung der Justiz