Unterstützen Sie TIME. Bewahren Sie die Wahrheit.
Arberi

Çitaku: Wir werden auf die Entscheidung des Sondergerichtshofs mit konkreten politischen, rechtlichen und diplomatischen Maßnahmen reagieren.

Vlora itaku

Foto: Driton Pacharada

Ushtruesja e detyrës së kryetares së Partisë Demokratike të Kosovës (PDK), Vlora Çitaku, në një konferencë për media e ka quajtur të papranueshëm dhe të turpshëm dënimin me 17 muaj burgim për ish-presidentin e Kosovës, Hashim Thaçi, në rastin kundër administrimit të drejtësisë. 

“Vendim i turpshëm dhe i papranueshëm. Nuk ka asgjë më shkatërruese për drejtësinë sesa kur vendimet e saj pushojnë së befasuari, sepse besimi në paanshmërinë e saj është cenuar thellë. Shprehim zhgënjimin dhe shqetësimin tonë të thellë për vendimin e sotëm të Gjykatës Speciale në Hagë ndaj Presidentit Hashim Thaçi dhe të tjerëve në procesin për pengimin e drejtësisë”, tha ajo në një konferencë për media, transmeton “EkonomiaOnline”.

Ajo ka theksuar se sipas PDK-së, kontestimet procedurale, proceset e njëpasnjëshme dhe zvarritjet shumëvjeçare kanë shtuar dyshimet lidhur me mënyrën e administrimit të drejtësisë nga Gjykata Speciale.

“Kontestimet procedurale, proceset e njëpasnjëshme dhe zvarritjet shumëvjeçare i kanë anuluar edhe më tej pikëpyetjet tona serioze për administrimin e drejtësisë së kësaj gjykate. Drejtësia nuk mund të ketë dy standarde”, potencoi ajo.

Në fund të deklarimit të saj, Çitaku ka bërë të ditur se PDK-ja do t’i përgjigjet këtij vendimi përmes qëndresës, mobilizimit dhe veprimeve politike, juridike e diplomatike.

“Do t’i përgjigjemi ashtu siç e meriton, me qëndresë, me mobilizim dhe me përkushtim të palëkundur, me veprime konkrete politike, juridike e diplomatike dhe me vendosmëri deri në fund. Lufta jonë për liri ishte e drejtë, UÇK-ja ishte ushtria jonë çlirimtare, sakrifica e një populli për çlirim është pjesë e pandryshueshme e historisë sonë dhe nuk mund të njolloset asnjëherë”, shtoi Çitaku.

Lesen Sie andere Updates
Hashim Thaçi

Reaktionen nach der Verkündung des Urteils gegen Thaçi und andere im Fall gegen die Rechtspflege