Grave së shpejti do t’u lejohet të notojnë “topless” në pishinat publike të Berlinit, pas një vendimi të marrë nga autoritetet e kryeqytetit gjerman.
Vendimi ka ardhur pasi që një grua që u përjashtua nga një pishinë e hapur pasi po qëndronte “topless” mori masa ligjore.
Një grua tjetër pretendoi se asaj iu tha të mbulohej ndërsa ishte në një pishinë të brendshme në dhjetor, raportoi BBC-ja të enjten.
Autoritetet ranë dakord se gratë ishin viktima të diskriminimit dhe thanë se të gjithë vizitorët në pishinat e Berlinit tani kishin të drejtë të rrinin “topless”.
Vizitorët e huaj në Gjermani janë shpesh të befasuar - dhe ndonjëherë plotësisht të shqetësuar, nga pamja e gjermanëve të zhveshur që dëfrejnë në liqenet e saj, gërhijnë në parqet e saj ose djersiten në saunat e saj.
Por ky është një vend që e konsideron lakuriqësinë publike në disa mjedise, si të përshtatshme dhe të shëndetshme.
Verën e kaluar, Göttingen në Saksoninë e Ulët dhe Siegen në North Rhine Westphalia lejuan gratë të notonin “topless”.
Operatori i pishinës në Berlin, Berliner Bäderbetriebe (BBB), në fakt nuk ka ndryshuar rregullat e tij, të cilat këmbëngulin që një kostum banje të mbulojë organet gjenitale. BBB sqaroi se kjo vlen për çdo vizitor, pavarësisht nga gjinia e tyre.
