Hartat e Ministrisë ruse të Mbrojtjes të paraqitura të martën tregojnë tërheqje të shpejtë të forcave pushtuese ruse nga zonat në Ukrainën lindore dhe jugore ku kanë qenë nën presion të ashpër nga një kundërofensiv ukrainase, shkroi të martën Reuters.
Videoinformimi i përditshëm i ministrisë nuk ka përmendur ndonjë tërheqje, por në hartat që u përdorën për të treguar vendndodhjen e goditjeve të supozuara ruse, zona me hije që përcaktonte kontrollin ushtarak rus ishte shumë më e vogël se një ditë më parë.
Në Ukrainën verilindore forcat ruse që shkojnë rreth 70 km drejt jugut, janë tërhequr rreth 20 km në lindje, deri në kufirin e provincës Luhansk.
Në provincën Kherson të Ukrainës jugore, vija e kontrollit të Rusisë në bregun e djathtë të lumit Dnipro ka lëvizur 25 km drejt jugut në hartë.
Të dy zonat janë fushëbeteja ku Ukraina ka raportuar përparime, edhe pse nuk ka dhënë detaje të plota.
Më 11 shtator, një hartë e paraqitur nga Ministria e Mbrojtjes tregoi se forcat ruse kanë braktisur shumicën e pjesëve të Kharkivit që ata kanë kontrolluar, pas një ofensive të fortë ukrainase.
