Britania e Madhe është bërë vendi i parë në botë që miratoi një vaksinë të dyfishtë, e cila trajton si virusin origjinal COVID-19, ashtu edhe variantin më të ri Omicron.
Ministrat britanikë thonë se vaksina tani do të jetë pjesë e fushatës përforcuese të vjeshtës, raportoi BBC-ja të martën.
Kompania Moderna mendon se 13 milionë doza të vaksinës së saj të re do të jenë të disponueshme këtë vit, por 26 milionë njerëz kanë të drejtë për një formë përforcuese.
Zyrtarët shëndetësorë thonë se njerëzit duhet të marrin cilindo përforcues që u ofrohet, pasi të gjitha ilaçet ofrojnë mbrojtje. Vaksinat origjinale të përdorura në pandemi u krijuan për të trajnuar trupin për të luftuar formën e parë të virusit që u shfaq në Wuhan, në Kinë, në fund të vitit 2019.
Virusi COVID që atëherë ka pësuar mutacione të konsiderueshme, me një rrymë variantesh të reja që shfaqen e që mund të shmangin disa nga mbrojtjet. Ato kanë shkaktuar rritje të mëdha të rasteve në mbarë botën.
Vaksinat origjinale ende ofrojnë mbrojtje të fortë kundër sëmundjes së rëndë ose vdekjes, por kompanitë po i modifikojnë ato për t'iu përshtatur virusit derisa ai evoluon.
Rastet e koronavirusit aktualisht po bien në Mbretërinë e Bashkuar. Nga mesi deri në fund të korrikut, rreth 2.5 milionë njerëz rezultuan pozitivë për koronavirus
