Një komandant i ushtrisë ukrainase ka thënë se do të ishte e pamundur që Rusia të merrte Kharkivin pas spekulimeve se armiku mund të planifikojë pushtimin e qytetit të dytë më të madh të vendit.
Gjenerali Sergei "Marcel" Melnik, shefi i Garnizonit të Kharkivit, i tha AP-së se “rusët nuk mund të lëvizin as një metër përpara”.
“Ata nuk kanë forca të mjaftueshme për të marrë rajonin e Kharkivit”, tha ai ndërsa po inspektonte pozicionet në periferi të Kharkivit.
Presidenti rus, Vladimir Putin, mund të ketë urdhëruar forcat ruse të pushtojnë qytetin e Kharkivit dhe pjesën tjetër të rajonit të papushtuar të rrethinës, vlerëson grupi kërkimor i Institutit për Studimin e Luftës (ISW) me qendër në SHBA.
Ndërsa forcat ruse pushtuan pjesë nga dy provincat, të cilat së bashku përbëjnë rajonin industrial të Donbasit të Ukrainës, zyrtarët ukrainas planifikuan një kundërofensivë për të rimarrë zonat e pushtuara nga Rusia në jug.
