Botë

BE – Britani drejt gjyqit për shkak të shkeljes nga Londra të marrëveshjes së Brexitit

BE – Britani drejt gjyqit për shkak të shkeljes nga Londra të marrëveshjes së Brexitit

Bashkimi Evropian do të ndërmarrë procedura ligjore kundër Britanisë së Madhe rreth planit të Boris Johnsonit për Brexitin. Mediat gjermane njoftojnë se kjo vjen pas projektligjit të kaluar në Londër ku shkelen kushtet e marrëveshjeve paraprake të Brexitit dhe shkelet ligji ndërkombëtar.

“Komisioni ka vendosur t’i dërgojë një letër zyrtare qeverisë së Mbretërisë së Bashkuar,” njoftoi në Bruksel presidentja e Komisionit Evropian Ursula von der Leyen. “Projektligji që kaloi është për nga natyra e tij një shkelje e detyrimit të mirëbesimit të përcaktuar në Marrëveshjen e Tërheqjes.”