Argjentina nis hetimet për ndaljen totale të energjisë elektrike

17 June 2019 20:20

Argjentina ka filluar hetimet për shkaktarin e ndaljes së energjisë elektrike që preku gati 50 milionë banorë.

Presidenti Mauricio Macri, terrin total e quajti rast të paprecedent dhe bëri thirrje për hetime kriminale për ndaljen e rrymës elektrike.

Gati e tërë Argjentina, Uruguai e Paraguai të dielën e filloi në terr. E mungesa e energjisë elektrike shkaktoi tollovi të madhe në komunikacion dhe në linjën e trenave, transmeton KTV. Nga terri pësuan edhe spitalet që u detyruan t’i ndiznin gjeneratorët për të rikthyer funksionimin e rregullt.

Zyrtarët e Korporatës Energjetike të Argjentinës, kanë fajësuar sistemin e lidhjes ndërkombëtare, por shkaktari i saj mbetet i panjohur. Ndërsa, ministri i energjisë, deklaroi se një sulm kibernetik me shumë gjasë ka shkaktuar terrin total, derisa pohimet e tij pritet të vërtetohen pas 15 ditësh me rezultatet e hetimeve.

Një terr të tillë kishte përjetuar edhe Brazili në vitin 2009 kur 60 milionë banorë mbetën pa energji elektrike për disa ditë.

© KOHA

Komentet

Shto koment

Të ngjashme