Botë

Punëtorët në “Notre-Dame” pranojnë se e shpërfillën ndalesën e pirjes së duhanit

Punëtorët në “Notre-Dame” pranojnë se e shpërfillën ndalesën e pirjes së duhanit
 

Punëtorët e përfshirë në punimet e restaurimit të çatisë dhe majës së “Notre-Dame”-it, përpara se ato të rrënoheshin si pasojë e flakëve të javës së shkuar, kanë pranuar se e kanë shpërfillur ndalesën për konsumimin e duhanit në brendi të ndërtesës, teksa po shtohen pretendimet për lëshime të shumta të sigurisë në Katedralen e famshme të Parisit.

Policia tani beson se gabimi njerëzor, dhe jo kontakti i shkurtër elektrik në një kompjuter, është shkaktari i vonesës katastrofale 35-minutëshe për njoftimin e brigadës së zjarrfikësve rreth flakëve, kanë treguar të dhënat e cituara nga “Le Canard Enchaine”, një e përjavshme hulumtuese dhe satirike e Francës, ka raportuar e përditshmja britanike “Telegraph”, transmeton “Koha Ditore”.