Nëse jeni duke shikuar për të blerë një veturë të re, një nga zgjedhjet më të rëndësishme është ngjyra. Blerësit në Evropë ka dhjetë vjet që nuk i kushtojnë shumë rëndësi ngjyrës.
Rreth 75 për qind e veturave të reja të shitura vitin e kaluar ishin në nuancat gri, argjend, e zezë e bardhë, ndërkohë të gjitha ngjyrat e tjera zënë vetëm rreth 25 për qind të tregut dhe ndër to nuancat më të njohura janë bluja dhe e kuqja.
Bota e veturave nuk është shumë e gjallë për momentin, sa u përket ngjyrave.
Arsyeja e popullaritetit të madh të ngjyrave neutrale është se pothuajse të gjithë klientët nga bizneset zgjedhin vetëm ngjyra të tilla, ndërsa edhe klientët privatë shkojnë në “të sigurt”.
Hulumtimi i kryer nga faqja e njohur gjermane “Mobile.de” tregoi se ngjyra e veturës mund të luajë rol në vlerën e veturës së përdorur gjatë shitjes së saj.
Në varësi të ngjyrës, vetura mund të jetë deri në 27 për qind më pak e vlefshme sesa mesatarja, por edhe deri në 13 për qind më e vlefshme sesa mesatarja.
Zgjedhja më e sigurt janë pikërisht ngjyrat gri, bardh dhe zi. Argjendi nuk është më popullor dhe është ndër humbësit më të mëdhenj. Ngjyrat “më të gëzuara”, pothuajse gjithnjë sjellin humbje kur veturat e vjetra shiten. Përjashtim bënë ngjyra e verdhë, e cila është e rrallë, por aktualisht është veçanërisht e popullarizuar te makinat sportive.
Më poshtë është një listë që tregon se sa humbin ose fitojnë në çmim veturat me ngjyra të caktuara në krahasim me çmimin mesatar. \autoblog
Vjollcë -27.2 për qind
Argjend -25.0 për qind
Ari -23,1 për qind
Ngjyra të tjera -22.2 për qind
E kuqe -11.5 për qind
Blu -9.8 për qind
Gjelbër -1.3 për qind
Portokalli +5.4 për qind
E bardhë +5,9 për qind
E zezë +9,5 për qind
Gri +9,7 për qind
E verdhë +13,3 për qind
