Vuçiq thotë se s’ka problem nëse Kurti nuk vjen në takimin e 11 majit në Bruksel
16:22
Vuçiq thotë se s’ka problem nëse Kurti nuk vjen në takimin e 11 majit në Bruksel
Presidenti i Serbisë, Aleksandar Vuçiq, thotë se nuk e ka problem nëse kryeministri i Kosovës, Albin Kurti, nuk vjen në takimin e 11 majit në Bruksel.
Kurti sot ka refuzuar të marrë pjesë në takimin e 11 majit, duke thënë se nuk ka marrë ftesë dhe nuk e ka konfirmuar paraprakisht këtë.
“Jam ftuar më 11 maj. Do të shkojë në dialog më 11 maj nëse do të mbahet. Nëse thonë se nuk mbahet, edhe më mirë, do të bëjë diçka të mirë në një vend të dytë e do të kem më pak probleme atë ditë. Së paku një ditë do ta kaloj mirë”, ka thënë Vuçiq raporton Tanjug.
Ai ka folur edhe për paraqitjen e non-paperit, duke thënë se po shtohet presioni ndaj Serbisë, ndërsa ka shtuar sërish se nuk do ta pranojë kurrë Kosovën.
“Kjo paraqitje e non-paperit do të thotë se presionet ndaj Serbisë do të rriten dhe se ne po u afrohemi presioneve përfundimtare në të cilat duhet të arrihet një zgjidhje ose duhet gjetur një fajtor”, ka thënë Vuçiq.
15:25
Vuçiqi tallet me Kosovën: E keni Netflixin, shikoni filma e godisni topin
Presidenti i Serbisë, Aleksandar Vuçiq, i është kundërpërgjigjur presidentes së Kosovës, Vjosa Osmani, në lidhje me deklaratën e saj se çdo ide që sjell destabilizim burimin e ka në Beograd.
Ai gjatë një vizite në Novi Sad, ka thënë se askush në Kosovë nuk bën as të ëndërrojë se Serbia do të njohë pavarësinë e Kosovës. Madje, edhe është tallur, duke thënë: “Sot gjatë gjithë ditës po festoni që Netflixi iu ka futur në listën e shteteve. Netflixi iu futi në listë, çka po ju duhen Kombet e Bashkuara, Interpoli. Shikoni filma, goditni topin, gjithçka është në rregull”.
Platforma e filmave Netflix ka futur Kosovën në listën e shteteve, pas një peticioni të nisur në Kosovë.
Vuçiq foli për Osmanin, pasi u pyet nëse Serbia qëndron pas “non-paperit” që ka ngjallur reagime të shumta.
Osmani po ashtu kritikoi këtë dokument ku parashihej se si do të vihej te marrëveshja Kosovë – Serbi, duke thënë se idetë destabilizuese gjithnjë vijnë nga Serbia.
“Kjo paraqitje e ‘non-paperit’ tregon se presioni mbi Serbinë do të jetë gjithnjë e më i madh kur po i afrohemi presioneve finale për arritjen e një marrëveshjeje ose shpalljen e një fajtori”, ka thënë Vuçiq, përcjell mediat serbe të mërkurën.
