VV në Bregun e Diellit: Sukseset tona nuk janë individuale por kolektive

VV në Bregun e Diellit: Sukseset tona nuk janë individuale por kolektive

05 tetor 2017 21:52

Vetëvendosje sonte mbajti tubim në pjesën e Bregut të Diellit rreth shkollës Iliria, ku morën pjesë Kryetari Shpend Ahmetin, si dhe nënkryetari i Lëvizjes, Dardan Sejdiu.

Ahmeti falënderoi banorët e kësaj lagjeje për përkrahjen e madhe që po i japin Lëvizjes Vetëvendosje drejt fitoreve të reja.

“Përkrahja e madhe ngado që po shkojmë, po na jep energji për projektet e mëdha që i kemi në mandatin e radhës. Bashkëqeverisja jonë me qytetarët e ka bërë Prishtinën Komunë shembull për të gjitha komunat e tjera. Sukseset tona nuk janë individuale, por kolektive. Sukseset e Komunës së Prishtinës janë rezultat i punës së palodhshme të një organizate të tërë si Vetëvendosje dhe i qytetarisë aktive të Prishtinës. Tubimet si këto sonte, po na prijnë drejt fitoreve të reja, drejt zhvillimit të Prishtinës”, tha Ahmeti.

Nënkryetari i Lëvizjes Vetëvendosje Dardan Sejdiu foli për punën që kanë bërë në Komunën e Prishtinës në mandatin e parë, pavarësisht vështirësive dhe bllokadave që na i bënin në Kuvend Komunal.

“Pas 14 vjet të qeverisjes së krimit në Prishtinë, në dhjetor të vitit 2013 ne nisëm ndryshimin. Për këto 4 vite, 12 zotime i patëm, 11 i realizuam. Për realizimin e 100 zotimeve për mandatin e radhës, kemi nevojë për Kuvend Komunal që nuk e saboton kryetarin, por që punon për interesa të qytetarëve, për interesa të lagjes, për interesa të Prishtinës. Pra, kemi nevojë për Kuvend Komunal, me shumicë të përbërë nga asamblistët të Lëvizjes Vetëvendosje”, tha Sejdiu.

© KOHA. Të gjitha të drejtat janë të rezervuara.

Komentet

Shto koment

Të ngjashme