Sa herë që janë pyetur për gropat në rrugët e kryeqytetit, zyrtarë të Komunës së Prishtinës kanë thënë se kanë një kontratë kornizë për mbylljen e tyre.
Nga prilli ishte thënë se do të fillohej me mbylljen e gropave, por që atëherë gjendja në rrugët e kryeqytetit, nuk është përmirësuar, raporton emisioni 038 i KTV-së.
Pasqyrë e rrugëve të këqija të kryeqytetit janë shumë prej rrugëve në Lagjen e Spitalit.
Pos rrugës “Ernest Koliqi”, mjaft e dëmtuar është edhe rruga “Holger Petersen”, rrugë për të cilën kryetari i Komunës, Shpend Ahmeti në muajin maj e kishte fajësuar qeverisjen e kaluar.
E derisa kishte njoftuar se janë duke punuar në projektin e ri për këtë rrugë, kishte premtuar mbylljen e menjëhershme të tyre.
Shumë të hëna kanë kaluar nga kjo deklaratë e Ahmetit, por gropat nuk janë mbyllur, njësoj sikurse ato në rrugën “Richard Holbrooke”, e cila mban epitetin e rrugës më të dëmtuar në kryeqytet.
Edhe
Gropat në Prishtinë sivjet mbyllen me plan të Ahmetit, vitin tjetër me të qeverisjes Rama
Pos kësaj pjese, gropat nuk mungojnë as në pjesë tjera të qytetit.
E derisa numri i gropave është shtuar, në anën tjetër është vërejtur rënie e intensitetit të punës nga drejtoria e infrastrukturës për mbylljen e tyre.
-
Zgjedhjet e vitit të ardhshëm i kthejnë rrugët e kryeqytetit në punishte
-
Gjendja e rrugës me shumë gropa nxjerr në protestë banorët e “Lagjes së Spitalit”
-
Qytetarët të lodhur me gropat në rrugën “Holgen Petersen” në Prishtinë, Komuna thotë se ajo rregullohet shpejt
-
Me gjithë sanimet, rrugët e Prishtinës përplot gropa