Forcat paqësore të BE-së në B e H (EUFOR) ua kanë tërhequr vërejtjen liderëve të këtij vendi se janë të gatshme të ndërhyjnë shpjet nëse përsëritet dhuna, dy decenie pas përfundimit ë luftës në të cilën u vranë 100 mijë persona, transmeton Koha.net.

Shqetësimi po rritet për shkak të destabilitetit gjithnjë e më të madh në Ballkanin historikisht jostabil, përfshirë presionet separatiste në B e H, bojkotin parlamentar në Mal të Zi dhe tensionet e përtëritura ndërmjet Serbisë e Kosovës, përcjell al jazeera .

"Shumëçka është arritur, por sërish mund të humbasë ", ka thënë gjeneralmajori Anton Waldner në ceremoninë në Sarajevë ku u shënua marrja e komandës së re të EUFOR-it. EUFOR ka 800 ushtarë të vendosur në B e H.

"Ende është në fuqi mandati ekzekutiv që mundëson menjëherë shtimin e konsiderueshëm të forcave të EUFOR-it. Nuk do të ngurroj, sipas nevojës të kërkoj forca rezervë", ka thënë austriaku Waldner. "Ju, liderët politikë e keni çelësin më të fuqishëm në duart tuaja”

Komandanti i ri i operacioneve të EUFOR-it, gjeneral James Everard, ka thënë se kanë qenë të pranishme “ndikimet e jashtme në rajonin e gjerë të Ballkanit Perëndimor që kanë potencial ta vënë në dyshim përparimin".

Liderët e vendeve perëndimore kanë akuzuar Rusinë se po përpiqet ta shfrytëzojë ndikimin gjithnjë më të vogël Bashkimit Evropian në Ballkan ashtu që po manipulon me ngjarjet në rajon.

Rusia, e cila mohon këto akuza, historikisht është aleate e Serbisë.

"Në dritën e këtyre sfidave, kryesorja është jemi bashkë", ka shtuar britaniku Everard.